في المحكمه حكايات صافي هاني

3

في المحكمه حكايات صافي هاني

ابني فتح عينيه الصغيرة وبص لي وكأنه حاسس إن الهوا اللي حوالينا مبقاش .

في ثواني، كانت الطرقة مقلوبة. شوفت “كلوديا” وهي بتجري ورا العساكر اللي ساحبين “إيفان” والكلبشات في إيده، كانت وبتقول: “أنتوا مش عارفين أنتوا بتتكلموا مع مين! أنا هخرب بيوتكم كلكم!”.. بس مفيش عسكري تكمن عبر بكلمة، والمنظرة والوجاهة بتاعتها دابت في ثواني. أما “فانيسا” فكانت ماشية وراهم بتعيط وهدومها اتبهدلت، وفجأة اتكعبلت والغويشة الذهب بتاعتي وقعت من إيدها واتدرجت على الأرض لحد ما جت تحت رجلي.

وطيت براحة، وأنا شايلة ابني، وأخدت الغويشة. بصيت لـ “فانيسا” اللي كانت واقفة تبص لي برعب، وقلت لها بصوت واطي ومسموع: “حاجتي مبتقعدش في إيد حد سراّق.. تقدري تمشي”.

جريت وسابتني وهي بتمسح دموعها.

في اللحظة دي، جالي عسكري من جوه القاعة وقال لي إن القاضي طلب يترتب لي حراسة مؤقتة لحد ما أرجع بيتي وآخد كل حاجتي وحاجة ابني، وإن قرار التمكين من الشقة هيطلع خلال ساعات.

ركبت التاكسي وأنا حاطة ابني في حضني، وبصيت من الشباك على شوارع القاهرة والزحمة، لأول مرة من سنين أحس إني حرة، وإني مش خايفة من حد، ولا مرعوبة من خروشة مفتاح “إيفان” في الباب وهو راجع.

لما وصلت البيت، دخلت الأوضة اللي هما فرشوها لابني من ورايا. بدأت ألم هدومي وهدومه في شنط، مكنتش عايزة أي حاجة تفكرني باللي فات، بس كنت باخد حقي وحق ابني تالت ومتلت.

تليفوني من وقتها م بطلش رن.. رسايل اعتذار من ناس قاطعوني عشان “إيفان” فهمهم إني مريضة نفسياً، ومكالمات من أرقام غريبة باين عليها من شركات “إيفان” اللي بدأت تنهار بمجرد ما خبر القبض عليه انتشر في السوق. قفلت التليفون ورميته على السرير.

عدى شهر..

كنت قاعدة في شقتي الجديدة الصغيره، شقة بسيطة بس الشمس بتدخلها من كل حتة. “إيفان” ومحاميه لبسوا جنائية محترمة ومطلعوش منها، والمحامي الجديد اللي مسك لي القضية أكد لي إن “إيفان” هيقضي كام سنة حلوين ورا القضبان، وأمه “كلوديا” عُرضة للمساءلة القانونية بسبب التستر والاشتراك في تزوير التقارير.

بصيت لابني اللي بدأ يضحك ويناغي، وبقيت أنا وهو بننام بالليل والنور مطفي ومن غير قلق.

الناس كانت فاكراني ضعيفة عشان كنت بسكت، بس الحقيقة إني كنت ببنيلهم السجن اللي هيتلفوا فيه.. والحمد لله، الفايل الأحمر قفل الحكاية دي للأبد.