محطات في حياة سهام جلال

دي الجملة اللي قالها خطيب سهام جلال ليها في قلب السينما قدام كل الحضور وأعلن عن فسخ خطوبتهم بعد شهرين بس بسبب اللي شافه.. تعالوا نعرف تفاصيل المشهد اللي تسبب في فسخ خطوبة سهام جلال في السينما.

الفنانة سهام جلال بطلة فيلم صعيدي في الجامعة الأمريكية، عملت المستحيل عشان تدخل الفن لإن والدتها واخواتها كانوا مسئولين منها، خصوصا يعني إن والدتها اتجوز كتير

فاضطرت سهام في سن صغير إنها تدور على أي مصدر رزق تعيش منه، ولإنها طويلة وقوامها مثالي فبدأت في مجال الإعلانات ونجحت في المجال دا وبالصدفة الفنان محمود عبدالعزيز شافها في إعلان وطلبها تمثل معاه في فيلم النمس

بعد كده اشتغلت في الدوبلاج وقامت بدور سعاد حسني في فوازير الإذاعة وكانت الدنيا مش سيعاها، لحد لما جالها دور مهم في فيلم صعيدي في الجامعة الأمريكية مع هنيدي والسقا ومنى زكي وهاني رمزي وباقي النجوم الشابة في الوقت ده.

وبشكل طبيعي جدا فاجئها خطيبها في الوقت ده وحضر الفيلم معاها وخصوصا إنه كمان كان صديق للسقا، ومش بس كده، ده كمان عزم عدد من أصحابه المقربين.

وفجأة وهما بيتفرجوا سوا جه مشهدها مع السقا ، وهنا بقا خطيبها مستحملش وحس بغيرة كبيرة وسط أصحابه الموجودين وحاولت سهام تهديه بس هو كان غضبان وقالها: إيه المشهد ده، وإزاى أحمد السقا بالشكل ده..وكمان تفاجئيني بالشكل ده.. إنسي اللي بينا يا سهام للأبد.. بعد شهرين بس من خطوبتهم.

وبعد دورها في فيلم صعيدي في الجامعة الأمريكية مبقاش يجيلها غير  لإنها اتصنفت كممثلة بسبب مشهد مع السقا اللي اتعاد 20 مرة بسبب توترها وهي بتقدمه لأن خطيبها كان صاحب السقا وهي كانت رافضه تقدمه بس المخرج سعيد حامد كان مصمم واقنعها أنه هياخد اللقطة بشكل ، وسهام استسلمت وصورت 3 مرات من زوايا مختلفة

طيب تعالوا نعرف بقا بداية سهام جلال في الفن؟

سهام جلال، بدايتها كانت من عالم الإعلانات اللي لفتت فيه الأنظار بملامحها الجميلة وحضورها، لحد ما اكتشفها الفنان الراحل محمود عبد العزيز وقدمها للسينما في فيلم النمس.

ومن هنا بدأت الرحلة الحقيقية لما تم اختيارها علشان تشارك في بطولة الفيلم الأيقوني صعيدي في الجامعة الأمريكية، الدور ده كان الانطلاقة الحقيقية ليها في قلوب الجماهير وعرفهم بموهبتها،

بس الموضوع مكنش بالسهولة دي مع سهام لأنها عانت كتير في حياتها ..

سهام جلال من مواليد يناير 1975، وكان عندها شغف للفن والأضواء من صغرها رغم أن عيلتها كانت بعيدة تماماً عن العالم ده، وعاشت سنين طويلة صعبة بسبب جوازاته الكتيرة

وبسبب خلافاته مع والدتها رغم كونها الزوجة الأولى في حياته، كان بيجبرها هي وأخواتها التلاتة يعيشوا بعيد عن والدتهم، وكل واحد فيهم عند مرات أب غير التانية، لحد ما قررت تتمرد على الوضع ده وهي يدوبك 19 سنة.

سهام خدت أمها وأخواتها وجمعتهم في شقة ايجار وقررت تشتغل موديل في الإعلانات، واتحملت المسئولية بدري بدري وهي اللي كانت لتقوم بدور راجل البيت.

أول نقطة تحول في حياتها لما شافها الفنان الراحل محمود عبدالعزيز ورشحها لمشاركته بطولة فيلم النمس، بس دورها في فيلم صعيدي في الجامعة الأمريكية كان النقلة الأهم في مشوارها الفني.

الغريب بقا أن خطيبها اتفاجئ بالمشهد يوم عرض الفيلم الخاص لدرجة أنه ساب السينما ومشي وانفصل عن سهام بعد شهرين من خطوبتهم، زي ما قالت سهام وهي طبعا وقتها كانت صغيرة ومتقدرش تنسحب من الفيلم بعد ما مضت عليه ده غير أنها كانت شايفة أهمية الدور خاصة أنها كانت لسه في بدايتها الفنية.

عدد كبير من الأدوار اتعرض على سهام بعد كده، وحبة حبة قدرت تخرج من خانة ، وشاركت في مسلسلات كتير زي سارة، أين قلبي، للثروة حسابات أخرى، وغيرهم.

وفي سنة 2005 شاركت في بطولة أطاليا اللي أكدت أنها تنازلت عن أجرها المستحق عنه ووافقت تاخد 25 ألف جنيه بس كمجاملة لصديقها القديم، بطل الفيلم، أحمد السقا

وعشان ترجع لجمهور السينما من تاني، إلا أنه للأسف كان الظهور الأخير ليها على شاشة السينما.

أما آخر أعمالها الدرامية ف كان 3 حلقات في مسلسل عوالم خفية للزعيم عادل إمام، وده كان سنة 2017.

ومن وقتها بعدت عن الأضواء، ودخلت في حالة احباط كبيرة لدرجة أنها بطلت تتفرج على التليفزيون

 وهي قاعدة في البيت، وعشان كده اتصلت بالسقا وأمير كرارة باعتبارهم رفقاء مشوارها، لترشيحها في أعمالهم باعتبارهم نجوم صف أول إلا أنهم خذلوها وندمت أنها طلبت مساعدتهم على حسب كلامها.

مش الشغل بس اللي عكنن حياة سهام، ده حتى جوازتها الوحيدة فشلت بعد فترة قصيرة، واتعرضت لأزمة قوية بسبب صور نشرتها ظهرت فيها على الشاطئ مع لاعب كرة يد، وقتها أتقال أنها على عاطفية بيه، بسبب إطلالتها، إلا أنها دافعت عن نفسها، وقالت: عزام أصغر من أخويا ومافيش بينا حاجة، هو اللي طلب يتصور معايا، وبعد كده طلب مني أحذف الصور لأنها عملت له مشاكل مع والدته في البلد، وحذفتها

بس وقتها زعلت جداً من جمهور السوشيال اللي بقى متطاول زيادة عن اللزوم.

آخر باب دقته سهام لمساعدتها ترجع للشاشة كان نقيب الفنانين أشرف زكي اللي قالها بالنص: مقدرش أفرضك على المخرجين والمنتجين، وهنا اضطرت سهام زي كتير من الفنانين اللي أعضاء عاملين في نقابة الفنانين للجوء للتيك توك، وبقت تفتح لايفات وتعمل فيديوهات عشان تحقق مشاهدات تطلع منها بفلوس تساعدها على المعيشة، والشغلانة دي بتعتبرها واجهة غير مشرفة لنجوم مصر وكان عندها أمل ترجع للشاشة من جديد بموهبتها بعيداً عن الشللية والمحسوبية اللي بيعاني منها الوسط حالياً.. بس توفاها الله ورحلت عن حياتنا.

رحم الله الفنانة سهام جلال واسكنها فسيح جناته